Helgina fyrir Páska hittast félagsmenn Flugmódelfélagsins þyts út í Flugstöð félagsins á Hamranesi til skrafs og ráðagerða. Hafa með sér kaffi á brúsa. (þar sem ekki er á þessum tíma búið að tengja vatns kerfi hússins) og hafa með sér nesti eins og vínarbrauð.

Kríumót er hástartskeppni F3B módelsvifflugvéla og er fyrsta keppnismót sumarsins í félagsstarfi Flugmódelfélagsins Þyts. Þátttakendur í Kríumóti hittast gjarnan við Álverið í Straumsvík um morguninn mótsdaginn og halda þaðan kl. 10:00 áleiðis til Höskuldarvalla.

Dagsetning 12. maí.

Íslandsmót módel svifflugvéla í hástarti F3B og hangflugi F3F. Íslandsmót í módelsvifflugi eru haldin á vegum Flugmálafélags Íslands. Þetta er tveggja daga mót laugardag og sunnudag. Undanfarin ár hefur keppnin í F3B verið haldin á flugvellinum við Gunnarsholt og F3F á Hvolsfjalli.

Dagsetning 30. júní - 1. júlí.

Gula Piper Cub J3 flugvélin með svörtu eldingunni á hliðinni, hefur alltaf átt sér marga aðdáendur og margir smíðað Piper Cub flugmódel. Þeir koma allir saman með Piper Cub flugmódelin sín stór og smá til að lita Hamranes gult.

Dagsetning óákveðin.

Þytsdagurinn er flugkoma þar sem allir þeir félagar í módelklúbbum landsins sem módeli geta valdið koma saman og skemmta sér daglangt með flugmódelum, spjalli og grilluðum pylsum.

Dagsetning: 7. júlí.

Lendingarkeppni: Keppendur hafi hugfast að lendingarkeppni er hæfnisíþrótt, þar sem markmiðið er að sýna færni flugmanns til að lenda flugmódeli á fyrirfram ákveðinn hátt eða stað. Í lendingarkeppni eru þrautirnar (æfingarnar) þrjár og farnar þrjár umferðir, þannig a hver keppandi fær stigagjöf fyrir níu æfingar samtals.

Dagsetning óákveðin.